जन सरोकार

शिवरात्रि मान्छे हराउनेदेखि पाकेट मार्नेसम्मको विगविगी- हराएका दुई सय ३३ जनालाई आफन्तको जिम्मा

सात लाखभन्दा बढीले पशुपतिनाथको दर्शन गरे

worldondemand
mirai-life

हिन्दु धर्मावलम्बीहरुको आराध्यदेव भगवान शिव प्रादुर्भाव भएको दिन महाशिवरात्रिमा पशुपतिनाथ दर्शन गर्न आउनेहरुको भीडमा दर्शनार्थीहरुको सामान चोरी गर्नेको संख्या पनि उत्तिकै बढेको पाइएको छ । शुक्रबार पशुपति क्षेत्र परिसरबाट सयौं महिलालाई पाकेट मारेको आरोपमा प्रहरीले पक्राउ गर्यो भने हराएका २ सय ३३ जनालाई फेला पारी आफन्तको जिम्मा लगाएको छ ।

पशुपति क्षेत्रमा पाकेट मारिएका पर्सहरु जताततै फालिएका देखिन्थे भने प्रहरीले पर्स फेला पारी त्यहाँ भएका कागजातका आधारमा सम्बन्धितलाई फिर्ता दिने काम पनि भैरहेको थियो । दर्शनाथीजस्तै बनेर उनीहरुसंग हिंड्दै हाते झोलाबाट पर्स चोर्नेहरुको फन्दामा पर्नेमध्येकी एक विमला थपलिया मिश्र पनि हुन् ।

आफ्नी वृद्धआमालाई लिएर पशुपति दर्शन गर्न पुगेकी उनी केही समयको अन्तरमा आफ्नो पर्स चोरी भएको पत्तो पाएपछि प्रहरीलाई खबर त गरिन तर पर्स फेला परेन । जब उजी प्रहरी कक्षमा पुगिन त्यहाँ थुप्रै पाकेटमार युवतीहरु देखेर चकित परेको प्रतिक्रिया दिइन् ।

यसै गरी शिवरात्रिमा पशुपतिनाथ दर्शन गर्ने भक्तजनको सहयोगका लागि सञ्चालन गरेको खोजखबर कक्षमार्फत हराएकालाई फेला पारी आफन्तको जिम्मा लगाइएको महानगरीय प्रहरी परिसरका प्रहरी नायब उपरीक्षक होबिन्द्र बोगटीले जानकारी दिनुभयो ।

हराएका भक्तजनको सुरक्षा एवं विविध मानवीयसेवा पु¥याउने उद्देश्यले सामुदायिक सेवा केन्द्र चावहिललगायतको सहभागितामा पशुपति क्षेत्र परिसरमा सामुदायिक प्रहरी कमाण्ड पोष्ट तथा खोजखबर कक्ष सञ्चालन गरिएको थियो । फेला परेकामा आठ जना बालबालिकासमेत छन् ।

उक्त पोष्ट तथा कक्षमार्फत नेपाल प्रहरी अस्पताल महाराजगञ्जका चिकित्सकद्वारा स्वास्थ्य सेवासमेत उपलब्ध गराइएको प्रहरीले जनाएको छ । विगतमा भिडमा आफन्त हराएको गुनासो बढेकाले यसपाली व्यवस्थित रुपमा खोजखबर कक्ष सञ्चालन गरिएको प्रहरीले जनाएको छ । प्रहरीले ५०० भन्दा बढी सुरक्षाकर्मी खटाएकाले अप्रिय घटना भने हुन नपाएको जनाइएको छ ।

सात लाखभन्दा बढीले पशुपतिनाथको दर्शन गरे

महाशिवरात्रिका शुभ दिन आज विश्वभरका हिन्दूका आराध्यदेव पशुपतिनाथको सात लाखभन्दा बढीले दर्शन एवं पूजार्चना गरेका छन् । शुक्रबार बिहान ३ बजेदेखि पशुपतिनाथ मन्दिरका चारवटै ढोका खोलेर देवाधिदेव महादेवको जलधारासहित अखण्ड पूजन भइरहेको छ र यो समाचार तयार गरिएका बेलासम्ममा सात लाखभन्दा बढी भक्तजनले दर्शन गरेका पशुपति क्षेत्र विकास कोषले बताएको छ ।

रातभर शिवपूजन, भजन र रुद्राभिषेकसँगै पशुपतिनाथका चारै प्रहर चारवटै द्वार खोलेर दर्शनको व्यवस्था मिलाइएकाले १० लाख भक्तजनले भगवान् पशुपतिनाथको दर्शन गर्ने अपेक्षा गरिए पनि वर्षाका कारण दर्शनार्थी घटेका हुन् ।

त्यसो त शिवरात्रिका दिन वर्षा हुनुलाई शुभ मानिन्छ र अपराह्नदेखिको झरीको कुनै परवाह नगरी दर्शनार्थीले पशुपतिनाथको दर्शन गरेका र करीब सात हजार तीर्थयात्री, भक्तजनलाई ओत लाग्ने व्यवस्था गरिएको उहाँ बताउनुहुन्छ ।

पचपन्नवटा धार्मिक–सामाजिक सामाजिक संस्थाले वनकालीमा एकीकृत रुपमा करीब पाँच हजार भक्तजनको सुुविधाका निम्ति भोजन, घामपानी छेक्ने त्रिपाल र पण्डाल खडा गरेका तथा भारतबाट आएका झण्डै २५०० तीर्थयात्रीलाई त्यस्तै सुरक्षित संरचना बनाएकाले तीर्थयात्रीको बिचल्ली नभएको पराजुलीले स्पष्ट गर्नुभयो ।

साधु, सन्त, महन्त, नाँगा बाबा लगायतले धुनी जगाएर जाडोभगाएका र उनीहरुलाई पनि मन्दिर परिसर, राममन्दिर, भष्मेश्वरसहित क्षेत्रमा त्रिपालको व्यवस्था गरिएको छ ।

महाशिवरात्रिका दिन पाशुपत क्षेत्रमा सुरक्षालगायत सम्पूर्ण व्यवस्थापन पक्षलाई कोषसहित सरकारी एवं गैरसरकारी सङ्घसंस्थाको सहभाागितामा एकीकृतरुपमा सुदृढ तुल्याइएको र कुनै किसिमका अप्रिय घटना नभएका प्रहरी वृत्त गौशालले जनाएको छ ।

सम्बन्धित खबर

Back to top button