दोहोरो नागरिकता लिनु गैरकानुनी मानिने जापानमा एक अदालतले दुई देशको विदेशी नागरिकता लिएपछि जापानी नागरिकता त्याग्नु संवैधानिक अधिकार हनन् भएको किटानीसहित दिएको मुद्दा खारेज गरिदिएको छ ।
नागरिकतामाथि प्रतिबन्ध लगाउने नियमलाई चुनौती दिंदै दायर गरिएको मुद्दा टोकियो उच्च अदालतले खारेज गरेको छ । यसअघि जापानको तल्लो अदालतले पनि यस्तै फैसला गरेको थियो ।
दोहोरो नागरिकता लिएका आठजना वादीले स्विट्जरल्याण्ड वा लिक्टेनस्टाइनको नागरिकता लिन आफ्नो जापानी नागरिकता त्याग्नुपरेको उनीहरुको संवैधानिक अधिकारको हनन हो भन्दै मुद्दा दायर गरेका थिए ।
विश्वका करिब ७५ प्रतिशत देशले दोहोरो नागरिकता दिने गरेका छन् । तर जापानमा दुई देशको नागरिकता हुनु गैरकानुनी मानिन्छ ।
प्रतिक्रिया राख्नुहोस्