जन सरोकारसमाचार

बलात्कारका घटना बाहिरिंदै, पाँच वर्षअघि छात्रा बलात्कार गर्ने प्रिन्सिपल पक्राउ

आठ वर्षअघि सुन्दरी प्रतियोगितामा सहभागी एक युवतीले आयोजकले आफूलाई पटकपटक बलात्कार गरेको कुरा सार्वजनिक गरेपछि वषौं अघि घटेका अन्य घटनाहरु पनि बाहिर आउन थालेको छ ।

मंगलबार काठमाडौंको सेन्ट लरेन्स कलेजका दुई शिक्षक पक्राउ परेका छन् । यस्तै बिहिबार सुनसरीको इटहरीस्थित ब्लूमिङ लोटस इङ्ग्लिस स्कुलकी विद्यार्थीलाई पाँच वर्षअघि बलात्कार गरेको अभियोगमा प्रहरीले तत्कालीन प्रिन्सिपल राजकुमार खड्कालाई पक्राउ गरेको छ ।

कक्षा नौमा अध्ययनरत विद्यार्थीलाई पाँच वर्षअघि बलात्कार गरेको अभियोगमा प्रहरीको केन्द्रीय अनुसन्धान ब्युरो (सीआईबी)ले बिहीबार प्रिन्सिपल खड्कालाई पक्राउ गरेको हो ।

खड्काले १५ वर्षीय छात्रालाई घुमाउने र औषधि उपचार गरी दिने भन्दै विसं २०७४ भदौ २६ गते गेष्ट हाउसमा लगेर स्कुल रेष्टिकेट गरिदिने धम्क्याएर बलात्कार गरेका थिए ।

प्रहरी उपरीक्षक एवम् उप निर्देशक कमल थापाले पछि खड्काले विवाह गर्छु भनी फकाउने र समाजमा बेइज्जत गरिदिने धम्की दिँदै पटक–पटक मानसिक तनाव र जबरजस्ती करणी गर्ने गरेको बताउनुभयो ।

प्रतिक्रिया राख्नुहोस्

सम्बन्धित खबर

Back to top button