असारको दोस्रो हप्तासम्म संसदबाट पारित भैसक्नुपर्ने अमेरिकन मिलेनियम च्यालेन्ज कर्पोरेशन (एमसीसी) सम्झौतामा निर्णय गर्न बसेको सत्तारुढ नेकपा स्थायी समिति बैठक एजेण्डामा प्रवेश नै नगरी स्थगित भएको छ ।
प्रधानमन्त्री निवास बालुवाटारमा बिहान ११ः३० मा सुरु भएको बैठकमा प्रधानमन्त्री तथा पार्टी अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डको सम्बोधन लगत्तै शुक्रबार बस्ने गरी स्थगित भएको हो ।
अध्यक्षद्वयको धारणा र प्रतिवेदन र एजेण्डाको बिषयमा स्थायी समिति सदस्यहरुलाई अध्ययनका लागि समय आवश्यक परेको कारण बैठक पर्सिसम्म स्थगित गरिएको बताइएको छ ।
स्थायी समिति बैठकको पहिलो एजण्डा अध्यक्षद्वय ओली र प्रचण्डको मन्तब्य रहेको थियो । बैठकमा अध्यक्षद्वयले बर्तमान परिस्थिति र चाल्नुपर्ने कदमको बारेमा आफ्नो धारणा राख्नुभएको थियो । स्थायी कमिटी बैठकमा पाँच एजेण्डा तय गरिएको छ ।
दोस्रो एजेण्डाको रुपमा सरकारको कामका सम्बन्धमा एजेण्डा रहेको छ । सो एजेण्डामा कोभिड १९ नियन्त्रण, रोकथाम र उपचार सम्बन्धमा, नेपालको सिमा समस्या र समाधान सम्बन्धमा र अन्य गरी तीन बिषय समावेश गरिएको छ । यसै गरी तेस्रो एजेण्डाका रुपमा पार्टी एकताका बाँकी कामहरु राखिएको छ ।
त्यसैगरी नेकपाभित्र निकै बिवादको बिषय बनाइएको एमसिसिका सम्बन्धमा चौथो एजेण्डा राखिएको छ भने पाँचौं एजेण्डाका रुपमा बिबिध राखिएको छ ।
प्रतिक्रिया राख्नुहोस्