नयाँ सरकारको नेतृत्वको संघारमा पुगेको संसदको दोस्रो ठूलो दल नेकपा एमालेले अब गठन हुने सरकारमा पार्टीका तर्फबाट काम गर्नसक्ने नेतालाई मात्र पठाउने निर्णय गरेको छ ।
बुधबार बसेको एमालेको सचिवालय बैठकले सरकारको काम प्रभावकारी बनाउन परिणाम दिनसक्ने व्यक्तिलाई सरकारमा पठाउने नीतिगत निष्कर्ष निकालेको उपमहासचिव प्रदीप ज्ञवालीले जानकारी दिनुभयो ।
एमाले उपमहासचिव ज्ञवालीका अनुसार कांग्रेस र एमालेले बराबरीको हैसियतमा नै सरकार सञ्चालन गर्नेछन् । सरकारमा सहभागी हुन चाहने दललाई संसदमा रहेको उक्त दलको हैसियत अनुसार स्थान दिन सकिने बताउनुभयो ।
प्रधानमन्त्री पुष्पकमल दाहाल प्रचण्डले यही असार २८ गते प्रतिनिधिसभामा विश्वासको मत मागेपछि सरकार गठन प्रक्रिया अघि बढ्ने पनि उहाँले बताउनुभयो ।
प्रधानमन्त्रीले सदनमा विश्वासको मत माग्दा विपक्षमा मत दिन पनि एमालेले ह्वीप जारी गरेको छ । नेपाली कांग्रेस र नेकपा एमालेबीच एमाले अध्यक्ष केपी शर्मा ओलीको नेतृत्वमा सरकार गठन गर्ने सहमति भइसकेको छ ।
प्रतिक्रिया राख्नुहोस्