लामो समय अद्र्धभूमिगतपछि खुला राजनीतिमा आएको नेत्रविक्रम चन्द नेतृत्वको नेकपाले गरेको नेपाल बन्दका क्रममा अराजक अराजक गतिविधिको साटो बन्दकर्ताहरुले रचनात्मक काम गरेका छन् ।
पेट्रोलियम पदार्थको मूल्यवृद्धि बिरुद्ध गरेको नेपाल बन्दका क्रममा कुनै हिंसात्मक घटना घटेको छैन । देशभर बन्दको आंशिक प्रभाव परेको छ । कतिपय स्थानबाट बन्द गराउँदै हिंडेका सयभन्दा बढी पक्राउ परेका भए पनि दाङमा भने बन्दकर्ताले सडकमा कुचो लगाउनेदेखि जेब्रा क्रसिङमा रंग लगाएका छन् ।
राजनीतिक कार्यकर्ताहरू अराजक मात्र हुन्छन भन्ने सोचलाई कम गराउन र समाजमा रचनाताम्क काम गरेर पनि विरोध गर्न सकिन्छ भन्ने देखाउन समाचार अनुसार बन्दकर्ताहरूले आफैँ कुचो समाएर सडक सफा गर्नेदेखि जेब्रा क्रसिङ निर्माण र रङ रोगनसम्मको काम गरेका छन ।
वृद्धिको विरोधमा बन्द भए पनि त्यसलाई सदुपयोग गरेर रचनात्मक बनाएको बताउँदै सबै साथीहरूले नयाँ र रचनात्मक काम गरौँ भनेर प्रयास गरेको हेमन्त प्रकाश वलीले बताउनुभयो ।
वलीले बन्दको समयमा यस्तो गरेमा नियमित अवस्थाको भन्दा राम्रो हुने र सडक खाली भएको बेला गरिएको पेन्टसमेत दीर्घकालीन हुने विश्वास आफूहरूले लिएको बताउनुभयो ।
प्रतिक्रिया राख्नुहोस्