सन् २०२३ मा भारतमा आयोजना हुने एकदिवसीय विश्वकपको छनोट चरण समेत रहेको आईसीसी विश्वकप लिग-२ को दोस्रो खेलमा नेपाल र युएई प्रतिस्पर्धा गरिरहेका छन् ।
युएईमा जारी खेलमा टस जितेर ब्याटिङ गरेको युएईसामु नेपालले बलिङ गरेको छ । ताजा स्थितिमा १५ ओभरको समाप्तिमा युएई चार विकेटको क्षतिमा ५० रन बनाएको छ ।
सुरुवाती १० ओभरमै ३ विकेट गुमाएको नेपालका लागि तीव्र बलर सोमपाल कामीले शीर्षक्रमका तीन ब्याट्सम्यानलाई आउट गरे । यसअघि पिएनजी बिरुद्ध पनि उनले ३ विकेट लिएका थिए ।
सोमपालले चौथो ओभरमा ओपनर चिराग सुरीलाई ६ रनको व्यक्तिगत स्कोरमा बाउन्सर बलमार्फत विकेटकिपर आरिफ शेखको हातबाट क्याच आउच गराएका थिए भनृ ५.१ ओभरमा भृत्य अरविन्दलाई ३ रनको व्यक्तिगत स्कोरमा एलबीडब्ल्यू धरापमा पारे ।
त्यस्तै ९.१ ओभरमा सोमपालले तेस्रो विकेट लिने क्रममा अर्का ओपनर मोहम्मद वासिमलाई २१ रनको स्थितमा ज्ञानेन्द्र मल्लबाट क्याच आउट गराए । त्यस्तै ११औं ओभरको तेस्रो बलमा करण केसीले आसिफ खानलाई आउट गराएका हुन् ।
प्रतिक्रिया राख्नुहोस्