आईसीसी क्रिकेट विश्वकप लिग २ अन्तर्गत कीर्तिपुरस्थित त्रिवि क्रिकेट रंगशालामा जारी शृंखलाको आफ्नो तेस्रो म्याचमा नेपालले टस जितेर ब्याटिङ रोजेको छ ।
शृंखलाको पहिलो म्याचमा नेपालले यूएईलाई पराजित गर्दै महत्वपूर्ण २ अंक हासिल गरेको थियो । तर, आफ्नो दोस्रो म्याचमा नेपाल ओमानसँग निकै खराब प्रदर्शन गर्दै पराजित हुन पुग्यो ।
ओमानसंगको लज्जास्पद पराजयपछि आजको खेलमा नेपालले सुरुवाती ब्याट्सम्यान परिवर्तन गर्दै विनोद भण्डारी र अर्जुन कुमालसंगै चार परिवर्तन गरिएको छ ।
यूएई भने पहिलो खेलमा नेपालसँग पराजित भएपछि दोस्रो खेलमा ओमानलाई हराएर उच्च मानसिकतामा छ र नेपालविरुद्ध पनि जितको खोजीमा हुनेछ ।
नेपालको सुरुवात राम्रो हुन सकेको छैन । सुरुवाती ब्याटर अर्जुन ११ रन बनाएर आउट भएका छन् । त्यस्तै भीम सार्की शून्य रनमा आउट भैसकेका छन् । नेपाली टोलीमा आज करण केसी छैनन् भने कुशल भुर्तेल र आसिफ शेखको स्थानमा अर्जुन कुमाल र विनोद भण्डारी राखिएको हो ।
यसै गरी नन्दन यदावले पनि करण केसीको स्थानमा खेल्दैछन्। बसिर अहमद टोली नहुँदा ललित राजवंशी पनि आज टोलीमा छन्।
अर्जुन कुमाल, विनोद भण्डारी (विकेटकिपर), भीम सार्की, रोहितकुमार पौडेल -कप्तान), दीपेन्द्रसिंह ऐरी, आरिफ शेख, गुल्सन झा, सोमपाल कामी, नन्दन यादव, सन्दीप लामिछाने, ललित राजवंशी रहेका छन् ।
यसपटकको लिग २ मा नेपालको प्रदर्शन राम्रो छैन। सहभागी आठ टोलीमध्ये नेपाल २२ खेलबाट १४ अंक जोड्दै पुछारबाट दोस्रो अथवा सातौं स्थानमा छ। पुछारको युएईको १२ अंक छ।
प्रतिक्रिया राख्नुहोस्