श्रम संस्कृति पार्टीका अध्यक्ष हर्कराज राई (साम्पाङ) ले गृहमन्त्री सुधन गुरुङलाई राजीनामा दिन सुझाव दिनुभएको छ । मंगलबार सिंहदरबारमा सञ्चारकर्मीहरूसँग कुराकानी गर्दै उहाँले यस्तो सुझाव दिनुभएको हो ।
उहाँले गृहमन्त्रीको विषयमा नयाँ नयाँ कुराहरु आइरहेको बेला मार्गप्रशस्त गरिदिँदा राम्रो हुने बताउनुभयो । ‘उहाँको जहिल्यै नयाँ नयाँ सुनिरहन्छ । त्यस्तो नहुँदा राम्रो हुन्थ्यो । हप्तामा दुई तीन पटक सुनिरहिन्छ । घरि के घरि के भनेर । त्यसले गर्दा उहाँले मार्गप्रशस्त गरिदिँदा राम्रो हुन्थ्यो भन्ने सुझाव म दिन्छु ’ अध्यक्ष राईले भन्नुभयो ।
गृहमन्त्री गुरुङ सम्पत्ति शुद्धीकरण मुद्दामा पक्राउ परेका विवादास्पद व्यवसायी दीपक भट्टसम्बद्ध कम्पनीमा प्रत्यक्ष साझेदारी गरेको भेटिएको छ । गृहमन्त्री गुरुङ चर्चित बिचौलिया तथा विवादास्पद व्यापारी दीपक भट्ट समूहले सेटिङमा हात पारेको एक लघु बिमा कम्पनीको पनि शेयर होल्डर रहेको तथ्य भेटिएपछि विवादमा मुछिनुभएको हो ।
प्रतिक्रिया राख्नुहोस्