अधिकांश इजरायली यात्री बोकेको फ्लाइदुबई उडानका एक पाइलटले अर्को पाइलटलाई छुरा हानेर विमान दुर्घटना गराउने प्रयास गरेका इजरायली प्रधानमन्त्री बेन्जामिन नेतान्याहुले बुधबार बताउनुभएको छ।

यात्री र चालकदलका सदस्यहरूले आक्रमणकारी चालकलाई नियन्त्रणमा लिएपछि विमान साउदी अरबको ताबुकमा सुरक्षित अवतरण गरिएको थियो ।

भिडियो वक्तव्यमा नेतान्याहुले भन्नुभयो, “संदिग्ध आक्रमणकारीलाई गिरफ्तार गरिएको छ र साउदी अधिकारीहरूले सोधपुछ गरिरहेका छन्। ”

उहाँले भन्नुभयो, “इजरायल ‘सम्बन्धित अधिकारीहरू’ सँग निरन्तर सम्पर्कमा छ । यो घटनालाई ‘अत्यन्त गम्भीर’ बताउँदै उहाँले भन्नुभयो, “विमान इजरायलतर्फ जाँदा एक्कासी घुम्न थाल्यो र तीव्र रूपमा तल झर्न थाल्यो । एक इजरायली यात्री र एक चालक दलका सदस्यले ककपिटमा पसेर विमानका प्रणालीहरू ‘बिगार्ने’ प्रयास गरिरहेका आक्रमणकारी चालकलाई नियन्त्रणमा लिए ।

स्विका मेन्स नामक व्यक्तिले इजरायलको सरकारी स्वामित्वको कान टिभी न्यूजलाई विमानबाटै बताउनुभयो, “मैले आक्रमणकारीलाई नियन्त्रण गर्न मद्दत गरेका थिए । मैले र अरू दुई जनाले उडानमा यात्रीलाई दिइने निःशुल्क हेडफोनका तारहरू प्रयोग गरेर आक्रमणकारीलाई बाँधेर नियन्त्रणमा लियौँ ।”

मेन्सका अनुसार प्रतिस्थापन फ्लाइडुबई विमान इजरायल जान तयार थियो, तर केही यात्रीहरू डरका कारण चढ्न अस्वीकार गरेकाले उडान ढिला भयो। इजरायली रक्षा मन्त्री इजरायल काट्जले यस घटनालाई ‘जिहादी आतङ्कवादी आक्रमण’ भन्नुभएको छ ।

फ्लाइदुबईको विमानमा चालकहरूबीच झगडापछि आपतकालीन अवतरण